روايه فكان معى البارت الثاني

حضرتك يادكتر مصطفي هخطف مالك شويه
وفجأه خرجت ومالك بيتحرك معاها وعينه لسه مع عيوني اللي من غير مااحس بحاجه لقيتها اتملت دموع وقلبي بيتقطع ومش قادره احس بحاجه غير خنقه خنقه شديده وبس
 اخيرا رجعت القصر بتاعنا وطلعت جري علي اوضتي 
حضنت مخدتي وفضلت اعيط جامد وقلبي عمال يتقطع 
مالك راح مني الامل الوحيد اللي كنت عايشه علشانه راح
تليفوني رن وتقريبا دي المره المليون مسحت دموعي بسرعه 
ورديت وانا تعبانه جدا 
مريم انت فين! 
مريم من الجهه الاخري تحدثت بقلق واضح
مكه مالك! انت كويسه! حصل ايه! مال صوتك! 
مابطلتش اسئله والحاح 
قولتلها وانا مخنوقه مريم انا مخنوقه اوي اوي
قفلت تليفوني ورجعت اعيط تاني...
ساعات قليله
مريم في ايه يامكه!
مجرد ماشوفتها حضنتها وفضلت اعيط جامد 
وانا مافيش علي لساني غير
مالك راح مني الحاجه الوحيده اللي كنت عايشه علشانها
فضلت تطبطب علي دهري بحنيه
مين مالك ده يامكه انت حبيتي حد غير الطاوس الااسود ولاايه
بصتلها وعيني حستها سخنت اوي وهتفرقع خلاص
ورحت كورت جسمي وغمضت عيوني وانا تعبانه اوي
مريم غطتني وفضلت قاعده جنمبي بتتنهد
ياحبيبتي انا مش فاهمه حاجه ابدا من يوم ماتعرفت عليكي في امريكا وعمري ماشوفتك بټعيطي كده انا كده بدأت اقلق عليكي جامد طيب فهميني طيب خلاص مش عاوزه اعرف حاجه بس بطلي عياط شويه
هزتها بلطف ولكن اتضح ان مكه ذهبت في نوم عميق
مريم بلطف اعادت خصلات شعرها للخلف لتقبل جبينها بحزن شديد علي صديقتها وكيف حالها وكأنها فقدت روحها 
لتتمزق الما عليها 
ياتري مين مالك ده وايه اللي وصلك لكده يامكه بس!
ليقطع حديثها رنه هاتفها سرعا ماوضعته علي وضع الصامت 
كي لاتزعج نومتها
واتجهت تمشي علي طراطيف اصابعها
لتتحدث بهدوء شديد 
الو
فينك ياست مريم هنطفي الشمع وانت لسه ماجتيش
مريم ضړبت بكف يديها علي جبينها 
اوبس نسيت خالص انا عند مكه صاحبتي اللي كنت بحكيلك عنها لما كنت في امريكا هي بتمر بحاله صعبه وزي ماقولتلك هي وحيده مالهاش حد هنا ولازم افضل معاها انا اسفه
تحدثت بتنهيديه ماشي يااخت مريم ربنا يهديكي علينا
مريم بضحك بسيط ولكن الحزن يغطي عليها 
بوسااات ياسهيلتي وبوسيلي الدكتور مالك وقوليليوا مش ناسيه هديتك ماتقلقش
 جاء صوت من خلفها مريم!!!!!!!!!!