روايه زوجتى المتمرده الفصل الاول

ماعملتش حاجة .. ومن حقها تروح وتيجي وتدلع نفسها اومال عايزها ټدفن نفسها بالحيا
لا بنتك غلطانة والغلط راكبها من ساسها لراسها ... الراجل كتر ألف خيره صابر عليها عشان باقي على العشرة .. المفروض تقوم بواجباته وبعد كدة تعمل اللي عايزاه هو مش هيمنعها ... لكن كل يوم بره لا كدة كتير 
انت بتتكلم على البت كدة ليه و..
عشان اللي بقوله هو اللي بيحصل انت دلعك فيها هو اللي بوظها ولا بتغلطيها ولا بتوعيها 
انا اسف جدا ماقصدش ان يحصل كدة والله ... انا كنت قصدي حضرتك تتكلمي معاها بالراحة بس .. وهي بنت ناس ومحترمة و....
وايه يا دكتور ... بعد ماقلت فيها القطط الفاطسة جاي تقول ماقصدش ... 
حقك عليا يابني وتشكر انك ماتسرعتش في اتخاذ قرار ممكن يدمر حياة بنتي 
ياعمي بنتك دي ميراتي وفي عنيا وعمري ماهظلمها ... حقك عليا يا طنط انا ماقصدش .. انا هستأذن 
استني يابني اشرب الشاي 
تشكر يا عمي ...بعد اذنك
ذهبت وقد تركت والدها الوقور المحترم ووالدتها المدللة جدا لابنتها لأنها الوحيدة ولا تريد سوى سعادة ابنتها بغض النظر عن سعادتي ... أحيانا أشفق على سهام وأحاول منحها العديد من الفرص لأني أشعر أن والدتها هي السبب في تمردها بسبب عدم ممانعتها لها في أي من تصرفاتها لكن ها هو والدها منتهى الرقي والإحترام لم لم تتعلم منه ... كان سفره الدائم طوال نشأة ابنته يجعلها تأخذ فقط من صفات والدتها وكان هو يكتفي في اجازته القصيرة بملاعبتها وملاطفتها حتى لا يبدو قاسېا عليها ... لكن ذاك جعلها متمردة أنانية ورغم كل ذلك أحاول تغييرها للأفضل لأني عن حق أحبها ...
ذهبت لعيادتي حيث أعمل طبيب أسنان وأقسم وقتي بين العمل الحكومي صباحا حتى الواحدة ظهرا ثم العودة للمنزل ومن ثم الذهاب للعيادة في السادسة مساءا والانتهاء في التاسعة مساءا ... فأنا لا أطيل البقاء بالعيادة ليتسنى لي الجلوس مع سهام التي دائما ماتكون مشغولة بمكالماتها مع صديقاتها ... لكن أعتقد أن الحل هو تغير خطتي اليوم لعلها تشتاق لوجودي إن أطلت فترة الجلوس بعيادتي الخاصة ... عند وصولي للعيادة كان مساعدي لم يأت بعد فقد ذهبت اليوم اليها مبكرا عن ميعادي بساعة فدخلت الى غرفة الكشف الخاصة بي وأغلقت الباب وحين أتى سعيد تقريبا لم يكن على علم بوجودي بالداخل لذا كان يتحدث مع زوجته بأريحية بالغة وقد فتح المايكروفون الخارجي فكنت أسمع المكالمة بوضوح خاصة وأن العيادة لا زالت فارغة من المرضى وصدى الصوت واضح....
طيب وأنا ذنبي ايه 
ماانا بقولك بطلي تشربي شاي عشان الأنيميا ...اهي وصلت ل ٧ أهي
والله مابشرب كتير ... الدكتور نفسه قالي انه حوامل كتير بيحصل معاهم كدا مش أنا بس 
طيب والحل... 
الدكتور قالي كلي